Kulturmidlar
Gjennom tilskot til ålmenne kulturføremål vil Lindås kommune vera med å stimulera til at positive kulturaktivitetar som er i kommunen vert oppretthaldne og at nye kan koma til. For nokre av kategoriane er det søknadsfrist 20. mai, medan andre kan tildelast gjennom året. Les meir i linken under om tilskot til ålmenne kulturføremål.

Leif Øksnes minnefond
Stiftinga er oppretta av foreldre og søster til Leif Øksnes, Nordhordland ballklubb (NBK) og Lindås kommune for å medverka til å heidra minnet etter Leif Øksnes. Styret skal kvart år dela ut stipend til ei eller fleire eldsjeler som jobbar gratis for å ta vare på barn og ungdom i deira fritid for å førebyggje samfunnsproblem - mellom anna førebyggje bruk av narkotika.

Samlelegat for Lindås kommune
Lindås kommune disponerar eit legat til føremåla skildra under.
1) Til familiar i Lindås kommune som på grunn av ulukke, sjukdom eller andre uheldige omstendigheter har kome i ein vanskeleg økonomisk situasjon.
2) Til personar i kommunen som innan landbruk utviklar ny næring knytt til garden.
3) Til personar som arbeidar med utgjeving av bygdebøker i kommunen.

Kulturprisen
Lindås kommune deler kvart år ut ein pris for kulturarbeid.
Framlegg om kandidatar kan sendast med ei skriftleg grunngjeving til Lindås kommune, postmottaket, 5914 Isdalstø.

Frivilligprisen
Frivilligprisen vert gjeve til ein initiativrik person som har betra trivselen og livskvaliteten for andre. Med sine idear og sitt pågangsmot har han/ho medverka til eit meir ope og aktivt samfunn. Føremålet med prisen er å styrke samspelet mellom kultur, helse og frivillig sektor.

Musikkpris
Kvart år vert det etter innspel frå tilsette ved musikkskulen delt ut musikkpris til ein eller flere elever ved Lindås musikkskule.