Etter Lov om barnehage er kommunen pålagt å føre tilsyn med både kommunale- og private barnehagar i kommunen. Lindås kommune har det siste året gjennomført tilsyn i mange av barnehagane, og dette arbeidet vil halde fram i 2010. Tema for tilsynet er årsplan i barnehagen. Gjennom tilsynet kan kommunen betre sikra kvaliteten i den enkelte barnehagen.

Opptak
Lindås kommune gjennomfører, i samsvar med lov om barnehage, samordna opptak for alle barnehagane i kommunen. Søknader til alle barnehagar i Lindås blir vurderte av ei sentral opptaksnemnd som føretek prioriterte opptak ( jfr. fortrinn etter lov og forskrifter), og samordnar opptaket til ledige plassar i kommunale- og private barnehagar. Frå 01.01.09 er det lovfesta rett til barnehageplass jfr. Lov om barnehage.

"Barn som fyller eitt år sinast innan utgangen av august det året det vert søkt om barnehageplass, har etter søknad rett til å få plass i barnehage frå august i samsvar med denne lova med forskrifter. Barnet har rett til plass i barnehage i den kommunen der det er busett."

Det er utarbeidd elektronisk søknadsskjema til barnehageopptaket.

Dokumentasjon til søknad skal sendast til : Lindås kommune, Dokumentsenteret,  Kvernhusmyrane 20, 5914 Isdalstø.

Dersom nokon ikkje har tilgang til internett kan dei ta kontakt med ekspedisjonen på rådhuset og få hjelp.

Frist for å søkje barnehageplass i hovudopptaket er 1.mars 2010. Dei som står på venteliste må sende ny søknad !

Opptaket vil verte gjort i mars, og skriftleg melding vil verte sendt den enkelte etter at vedtak er fatta.